COREL DRAW 12 програм хичээл №1

Энэ хэсэгт Corel Draw 12 програмын талаар дэлгэрэнгүй тайлбар хийхийг зорилоо. Уг програмын командуудыг туршиж үзэн тайлбарласан болохоор зарим командуудын гол үүрэг зориулалтыг онож тайлбарлаагүй байж болох учир гүнээ хүлцэл өчье. Энэ програм нь дүрс, биет зурхад бусад төрлийн програмаас илүү хүчирхэг болохыг энэ дашрамд дурдхад таатай байна. Сүүлийн үед энэ програмын эрэлт хэрэгцээ нэмэгдэж байгаа бөгөөд энэ эрэлтийг дагаж тухайн програмын шинэ хувилбарууд ихээр бүтээгдэж байна. Жишээлбэл : Одоогоор CorelDRAW.X3, CorelDRAW.X4 гэх мэт хувилбарууд гарсан байна. Эдгээр хувилбаруудаас CorelDRAW.X3 хувилбар нь хэвлэлийн эх бэлтгэдэг бүхий л компаниудад хэрэглэгдэж байгааг анзаарсан болно.
Corel Draw 12 программ нь хэвлэлийн эх бэлтгэх программуудын нэг юм. Энэ программаар та хүссэн хэмжээ, хэлбэр, өнгө, дизайнаар хэвлэлийн эхийг хийж болно. Бусад программаас олон давуу талтай. (фото зурагтай ажиллах / векторын зураг, чимэглэл, эмьблем зэргийг зурах/ тексттэй ажиллах/ Clipart оруулж засах, шинээр зурах) Гол давуу чанар нь текст, зураг 2-ыг ижил түвшинд ашигладаг өндөр нарийвчлалтай дүрс график гаргадаг явдал юм.

Corel Draw 12 программыг ажиллуулах
Start товч дээр нэг дараад гарч ирэх All Programs руу ороод CorelDRAW Graphics Suite 12 руу ороод CorelDraw 12 –ийг сонгоод нэг даралт хийнэ. Энэ үйлдлийн дараа CorelDraw 12 програмын үндсэн дэлгэц болох дараах зураг дэлгэцэнд үүснэ.

Эндээс та шинээр эхлэх гэж байгаа бол New -г дараад шинэ хуудас нээнэ.